1. Auf
dr schwäbscha Eisabahna gibt's gar viele Haltstationa:
Schtuegert, Ulm ond Biberach, Mekkabeira, Durlesbach!
Trulla, trulla, tullala, trulla, trulla, trullala:
Schtuegert, Ulm ond Biberach, Mekkabeira, Durlesbach.
2. Auf
dr schwäbscha Eisabahna gibt es viel Reschtorationa, wo
mr essa, drenka ko, älles was dr Maga mo. Trulla...
3. Auf
dr schwäbscha Eisabahna braucht mr koine Postillione.
Was ons sonscht des Posthorn blies, pfeifet jetzt di
Lokomotiv. Trulla...
4. Auf
dr schwäbscha Eisabahna kennad Kiah ond Ochsa fahra,
d'Studenda fahred erste Klass, s'machad des halt nur zom
Spaß. Trulla...
5. Auf
dr schwäbscha Eisabahna wollt amohl a Beierle fahra,
goht an Schaldr, lupft dr Huat: "Oi Bilettle, send's
so guad!" Trulla...
6.
Eine Goiß hot er sich kaufet, ond daß se ihm ned
entlaufed, bendet se dr guade Mo henda an dr Waga no.
Trulla...
7.
"Beckle dua no woidle sprenga, s'Fressa werd i dir
scho brenga", setzt sich zu saim Weible no ond zend
sai schtengigs Pfeifle o. Trulla...
8. Auf
dr nächsta Stationa, wo er will sai Beckle hola, fend er
bloß no Kopf ond Soil an dem hendra Wagadoil. Trulla...
9. Da
kriegt er en großa Zora, nemmt den Kopf mitsamt de Ohra,
schmeißt en, was er schmeißa ko, dem Kondukteer an
Ranza no. Trulla...
10.
"Worom bischd du so schnell gfahra, du muschd jetzt
den Schada zahla! Du alloi bisch schuld do dro, daß i
d'Goiß vrlaura hau." Trulla...
11. So
jetzt wär des Liedle gsonga, hat's eich recht end Aura
glonga. Wer's no ned begreifa ko, fangt nomol von vorne o!
Trulla...
|