1. Auf am Wasa
grasad d'Hasa ond em Necker gamped d' Fisch, //:liaber
will i gar koi Schätzle als en sodda Flädrawisch://
2. Muaddr muasch mr
schla mes Blechle Dirleshosa macha lau, //:daß i au so
Dirleshosa wie dr Herr Proffiesr hau://
3. Gang mr aweg mit
Sametschiala, gang mr aweg mit Bändela, //:Bauramädla
sem mr liaber, wie so Kaffee-Bembala://
4. Won i han no
kratzt ond bissa hat me wella koina kissa, //:seit i
nemma kratz ond beiß kriag i Kißla dutzedweis://
5. Won i han mei
Schätzle gnomma hat mei Muaddr graußig dau, //:hot me
bei de Aura gnomma, d'Stiage abe pluadra lau://
6. Hender meiner
Schwiagermuadder ihrem graußa Hemmelbett, //:schtoht en
ganzer Sack voll Sechser, wenn i no dia Sechser hädd!://
7. Kloine Kiagala
muaß mr giaßa, wenn mr Vegela schießa will, //:scheene
Mädla muaß mr liaba, wenn mr scheene Weiber will://
8. Älleweil krank
sei ond ned sterba, des isch gwieß a harte Pein, //:Mädla
liaba ond ned kriaga, des muß no viel ärger sei://
9. A Sprichle des
secht von ons Schwoba, mir wernd erscht mit vierzig
gscheit, //:glaubet mir die andre Globa werdets net en
Ewigkeit://
|